Elli və Dilli

«Elli və Dilli» uşaqlar üçün nəzərdə tutulan layihədir. Layihə telebaxça formatında hazırlanır. Veriliş aparıcıların maraqlı söhbətləri, gərəkli rubrikaları və süjetləri ilə məktəbə qədər və aşağı sinif şagirdlərini istiqamətləndirir, onların dünyagörüşünün inkişafına, istedadlarının  üzə çıxarılmasına yardımçı olur. Verilişdə uşaqlar lazımi məlumatlar əldə edirlər.  

Layihənin məqsədi məktəbə qədər uşaqlar və aşağı sinif şagirdlərinə həyatın müxtəlif sahələri barədə düzgün istiqamət vermək,  dəyərli məsləhətlər, gərəkli məlumatlar, müxtəlif oyunlar və s. vasitəsilə onları maarifləndirməkdir.

Verilişin rubrikaları VMZ, yaxud da studiya formatında təqdim edilir. Veriliş aşağıdakı şəkildə təqdim olunur:

1)      Uşaqların öz aralarında fərqli mövzularda müzakirəsi və mübahisəsi;

2)     Mübahisəli mövzular zamanı maarifləndirici süjetlərin verilməsi;

3)     Tərbiyəçi tərəfindən məsləhətlərin verilməsi və mövzuya istiqamətləndirmə

3)      Uşaqlara müxtəlif sualların ünvanlanması;

4)      Musiqili-əyləncəli süjetlərin təqdim olunması

Verilişdə VMZ formatında aşağıdakı mövzuların təqdim olunması nəzərdə tutulur:

• Sayların öyrədilməsi;
• Heyvanlar haqqında;
• Təmizlik haqqında;
• Rəqslər haqqında;
• Mahnı oxumaq haqqında və s.

Studiyada 4 uşaq olur, 1 aparıcı - tərbiyəçi onlarla müxtəlif oyunlar keçirir, etiket qaydalırın öyrədir, maraqlı məlumatlar verir və istiqamətləndirir. Bundan əlavə verilişə kiçik yaşlı qonaqlar da dəvət edilir.

Məktəbəqədər uşaqlar və aşağı sinif şagirdləri üçün maarifləndirici verilişin hazırlanması, onların dünyagörüşünün formalaşmasına, cəmiyyətdə və ailədə düzgün davranış qaydalarına, sağlam həyat tərzinə, bilik və bacarıqlarının inkişaf etdirilməsinə istiqamət verir. Verilişin telebaxça formatında hazırlanması isə həm uşaq dilinə yaxın ifadə vasitəsinin seçilməçi, həm də vizual baxımdan rəngarənglik doğurur.